კატეგორიის არქივი: სიახლეები

III ოლიმპიადა ნიადაგმცდონეობაში სკოლის მოსწავლეებს შორის

საქართველოს აგრარული უნივერსიტეტის, მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის, საქართველოს ნიადაგმცოდნეთა საზოგადოებისა და საქართველოს პროფესიონალ ქიმიკოსთა ასოციაციის ინიციატივით, კახა ბენდუქიძის საუნივერსიტეტო კამპუსში 2018 წლის აპრილის ბოლო კვირაში ჩატარდება რიგით მესამე ოლიმპიადა ნიადაგმცდონეობაში სკოლის მოსწავლეებს შორის.
ოლიმპიადაზე დარეგისტრირება შეუძლიათ საქართველოში არსებული საჯარო და კერძო სკოლების VII-XII კლასების მოსწავლეებს, რომლებსაც სასწავლო პროგრამით გავლილი აქვთ ნიადაგმცოდნეობის საკითხები.

ოლიმპიადაში მონაწილეობისათვის აუცილებელია რეგისტრაცია

ოლიმპიადის სავარაუდო თარიღი არის პარასკევი, 27 აპრილი, 11:00 სთ.

ნიადაგმცოდნეობის II სასკოლო ოლიმპიადა – ფოტოები

მიზანი:

  • მოსწავლეთა შორის საბუნებისმეტყველო დისციპლინების (განსაკუთრებით ნიადაგმცოდნეობის) პოპულარიზაცია;
  • აგრარული დისციპლინებისა და მათი როლის გააზრება;
  • ეკოლოგიასა და უსაფრთხო გარემოზე ზრუნვის აუცილებლობის გათავისება.

კონკურსი ტარდება ორ ტურად: 

I ტური: 

  • რეგისტრაციის გავლა;
  • მითითებული კითხვარის ჩამოტვირთვა და შევსება;
  • შევსებული კითხვარის გამოგზავნა.

გთხოვთ, შევსებული კითხვარი საორგანიზაციო კომიტეტში გადმოაგზავნოთ 2018 წლის 30 მარტამდე მითითებულ მისამართზე: mmera2008@agruni.edu.ge  მარიამ მერაბიშვილი

პირველი ტურის კითხვებს ასევე შეგიძლიათ გაეცნოთ შემდეგ გვერდზე.

II ტური: 

  • კომპეტენტური ჟიური შეარჩევს 50 საუკეთესო ნაშრომს და კონფერენციის ვებ გვერდზე გამოაქვეყნებს მეორე ტურში გადასული მონაწილეების სიას, 2018 წლის 15 აპრილს.
  • კონკურსის მეორე ეტაპი ჩატარდება საქართველოს აგრარულ უნივერსიტეტში 2018 წლის
    27 აპრილს. კონკურსის მეორე ეტაპზე მონაწილეებს ექნებათ 2 საათი 5 კითხვაზე საპასუხოდ.

გთხოვთ, დამატებითი კითხვების შემთხვევაში დაუკავშირდეთ:

მარიამ მერაბიშვილი 595 59 56 70

თენგიზ ურუშაძე 599 58 25 41

ილია კუნჭულია 592 40 43 87

  1. ნიადაგმცოდნეობა, როგორც სამეცნიერო დისციპლინა (ჩამოაყალიბეთ მოკლე ანოტაცია, მაქსიმუმ 30 სიტყვა)
  2. ნიადაგები, რომლებიც პირველად მსოფლიოში იყო გამოყოფილი საქართველოში (მაქსიმუმ (100 სიტყვა)
  3. ჰუმუსის მნიშვნელობა ნიადაგწარმოქმნაში (მაქსიმუმ 50 სიტყვა)
  4. ნიადაგები, რომლებიც გავრცელებულია მთელ საქართველოში (მაქსიმუმ 50 სიტყვა)
  5. ნიადაგები, რომლებიც გავრცელებულია მხოლოდ დასავლეთ საქართველოში (მაქსიმუმ 50 სიტყვა)
  6. ნიადაგები, რომლებიც გავრცელებულია მხოლოდ აღმოსავლეთ და დასავლეთ საქართველოში (მაქსიმუმ 50 სიტყვა)
  7. ნიადაგების დაცვა (მაქსიმუმ 100 სიტყვა)
  8. წყლისმიერი ეროზია და მისგან დაცვა (მაქსიმუმ 50 სიტყვა)
  9. ქარისმიერი ეროზია და მისგან დაცვა (მაქსიმუმ 50 სიტყვა)
  10. ნიადაგური რუკები, მათი დანიშნულება (მაქსიმიმ 50 სიტყვა)

ლიტერატურა

ნიადაგმცოდნეობა

საველე ნიადაგმცოდნეობა

საქართველოს ნიადაგების სარკვევი

ნიადაგის მორფოლოგია

საქართველოს ძირითადი ნიადაგები 

ნიადაგის ეკოლოგია

ნიადაგების გეოგრაფია ნიადაგმცოდნეობის საფუძვლებით

წალკის სკოლის მოსწავლეები ნიადაგის კვლევის ლაბორატორიას ესტუმრნენ

სამეცნიერო-კვლევითი ცენტრის ნიადაგის ნაყოფიერების კვლევის სამსახურის ივანე სარიშვილის სახელობის ნიადაგის კვლევის ლაბორატორიას წალკის №1 საჯარო სკოლის უფროსკლასელები ესტუმრნენ და სამუშაო პროცესს გაეცნენ. სკოლის მოსწავლეთა ვიზიტი ნიადაგმცოდნეთა საერთაშორისო საზოგადოების მიერ (International Union of Soil Sciences – IUSS) დაფინანსებული საგრანტო პროექტის ფარგლებში განხორციელდა, რომელსაც ნიადაგის ნაყოფიერების კვლევის სამსახურის ლაბორატორიის უფროსი გიორგი ღამბაშიძე ხელმძღვანელობს.

როექტის მიზანი საშუალო სკოლებში „ნიადაგის კუთხის“ მოწყობაა, სადაც ნიადაგის მნიშვენლობაზე, ეკოსისტემაში მის ფუნქციებსა და დაცვასთან დაკავშირებულ საკითხებზე ინფორმაცია განთავსდება.

პროექტის მონაწილე სკოლის მოსწავლეებისთვის რეგულარულად ეწყობა გაცნობითი ტური ნიადაგის ნაყოფიერების კვლევის სამსახურის ლაბორატორიაში, რომლის დროსაც მოზარდები ნიადაგის საველე და ლაბორატორიული კვლევის თანამედროვე მეთოდებს ეცნობიან.

დაწვრილებით

ერთადერთი დედამიწა: კლიმატი, ვაზი და ტერუარის კონცეფცია მევენახეობაში

ეკო კლუბის მერვე შეკრებაზე მოსწავლეებმა მოისმინეს კახა ბენდუქიძის საუნივერსიტეტო კამპუსის საბუნებისმეტყველო მუზეუმის მენეჯერი, საქართველოს აგრარული უნივერსიტეტის დოქტორანტის ანნა ვეშაგურიძის პრეზენტაცია თემაზე „კლიმატი, ვაზი და ტერუარის კონცეფცია მევენახეობაში“.

საუბარი შეეხებოდა კლიმატის მნიშვნელობას სავეგეტაციო პერიოდის ხანგრძლივობასა და ვაზის დარაიონების კუთხით. გაეცნენ ტერუარის კონცეფციას ევროპის მევენახეობის ქვეყნებში და კლიმატის ცვლილებების მოსალოდნელ გავლენას მევენახეობის სექტორზე.

დაწვრილებით

ლექცია ბორჯომის ხეობის შესახებ

ეკო კლუბის მეშვიდე შეკრებაზე მოსწავლეებმა მოისმინეს ინფორმაცია ბორჯომის ხეობის შესახებ. მომხსენებელმა თამარ ხოშტარიამ ისაუბრა ქალაქ ბორჯომის ისტორიის, მინერალური წყლებისა და საკურორტო ზონების შესახებ. ასევე ხეობაში არსებული გამოწვევებისა და პრობლემების ირგვლივ.

“ერთადერთი დედამიწის” კლუბის წევრები დაინტერესდნენ გახშირებული ხანძრების გამომწვევი მიზეზებისა და მათი პრევენციის მექანიზმებით.

დაწვრილებით

2018 წელს “ერთადერთი დედამიწა” შეხვედრებს რადიობიოლოგიაზე საუბრით იწყებს

ეკო კლუბის მეექვსე შეკრებაზე მოსწავლეებმა მოისმინეს ივანე ბერიტაშვილის ექსპერიმენტული ბიომედიცინის ცენტრის რადიაციული უსაფრთხოების პრობლემათა ლაბორატორიის წარმომადგენლების მიხეილ გოგებაშვილისა და ნაზი ივანიშვილის ლექცია “უხილავი სხივების სამყარო” თანამედროვე რადიობიოლოგიური პრობლემებისა და გამოჩენილი ქართველი მეცნიერის, ივანე თარხნიშვილის შესახებ.

პრეზენტაციის ბოლოს მოსწავლეებმა და პედაგოგებმა დასვეს უამრავი შეკითხვა და წარიმართა დისკუსია. კლუბის შეხვედრები ჩატარდება ყოველ ორ კვირაში ერთხელ.

დაწვრილებით