კატეგორიის არქივი: სიახლეები

პროექტი SYStem

პროექტ SYStem-ის შესახებ

უმაღლესი განათლება მრავალი გამოწვევის წინაშე დადგა ‘Z’ თაობასთან მიმართებით, რომლებიც “ციფრული ეპოქის მკვიდრები” არიან და უნივერსიტეტების მხრიდან მობილური ტექნოლოგიებისა და გემიფიკაციის უფრო ინტენსიურად გამოყენების მოლოდინები აქვთ. ასეთ გამოწვევებზე საპასუხოდ ნიადაგმცოდნეობასა და ბუნების შემსწავლელი მეცნიერებების სფეროში პროექტი SYStem (Share Your Soils) მოგვევლინა, რომელიც პოლონეთის ნიკოლას კოპერნიკუსის უნივერსიტეტის ნიადაგმცოდნეობისა და ლანდშაფტის მართვის დეპარტამენტის წარმომადგენლების, მარტინ სვიტონიაკისა (კოორდინატორი) და პრემისლავ ჩარზინსკის ინიციატივით დაიწყო. საპროექტო წინადადებამ შესაძლო მაქსიმალური 100 ქულიდან 88 მიიღო და 50 წარდგენილ პროექტს შორის საუკეთესო შედეგი აჩვენა, რის შედეგადაც მოიპოვა დაფინანსება Erasmus + Action 2 Strategic Partnerships კონკურსის ფარგლებში. პროექტი 8 ქვეყნის 10 უნივერსიტეტის კონსორციუმის (ჩეხეთი, ესტონეთი, უნგრეთი, იტალია, ლატვია, პოლონეთი, სლოვენია და ესპანეთი) ფარგლებში განხორციელდება და მოიცავს ევროპის მრავალ რეგიონში დაგეგმილ კვლევასა და სწავლებას. საქართველოდან პროექტში ასოცირებულ პარტნიორად ჩართულია ასისტენტი ლექტორი ილია კუნჭულია საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტიდან.

პროექტ SYStem-ის მთავარი მიზანია შექმნას გასართობ-საგანმანათლებლო სოციალური მედია პლათფორმა, რომელიც ნიადაგების აღწერასა და კლასიფიკაციას (საერთაშორისო WRB სისტემის მიხედვით)  მიეძღვნება. პროექტის ფარგლებში შექმნილი მთავარი ხელსაწყო იქნება მობილური აპლიკაცია, რომლის საშუალებითაც შესააძლებელი იქნება შესაბამისი აღწერით აიტვირთოს ნიადაგის პროფილის ფოტოები და გეოლოკაციის მონაცემები, ისევე როგორც კლასიფიკაციის შემოთავაზებული ვერსია. პლათფორმის სხვადასხვა წევრებს საშუალება ექნებათ შევიდნენ ინტერაქციაში და  ნიადაგის კლასიფიკაციისა და გენეზისის საკითხებზე გააზიარონ ცოდნა, დაეხმარონ ნაკლებად გამოცდილ კოლეგებს კომენტარებისა და რჩევების სახით. დამატებით, შეიქმნება სახელმძღვანელო ნიადაგების შესახებ, რომელიც მიეძღვნება ყველაზე თანამედროვე სისტემებს WRB კლასიფიკაციის შესახებ საუნივერსიტეტო სწავლებისას. პროექტის შედეგები საშუალებას მოგვცემს წარმოვადგინოთ სწავლების ინოვაციური მეთოდები არამარტო უნივერსიტეტის ლექტორებისთვის, არამედ დამამთავრებელი კლასების მასწავლებლებისთვის, გარემოსდაცვითი მკვლევარებისა და პრაქტიკოესებისთვის.

დაუსწრებელი კონფერენცია “ნიადაგი ეროვნული განძი”

2019 წლის 2-6 დეკემბერს  საქართველოს აგრარული უნივერსიტეტის მიხეილ საბაშვილის ნიადაგმცოდნეობის, აგროქიმიისა  და მელიორაციის ინსტიტუტის და საქართველოს ნიადაგმცოდნეთა საზოგადოების ინიციატივით გაიმართება IX რესპუბლიკური კონფერენცია ნიადაგმცოდნეობაში (დაუსწრებელი): “ნიადაგი ეროვნული განძი”.

კონფერენციაში განხილული იქნა ნიადაგების გენეზისის, დაცვის რაციონალური გამოყენების საკითხები.  მასში მონაწილეობა მიიღეს მეცნიერებმა, პროფესორ-მასწავლებლებმა როგორც აგრარული უნივერსიტეტიდან, ისე ქვეყნის სხვა უნივერსიტეტებიდან (ქუთაისის აკაკი წერეთლის, ბათუმის შოთა რუსთაველის, ივანე ჯავახიშვილის სახელობის თბილისის, იაკობ გოგებაშვილის სახელობის თელავის, სამცხე-ჯავახეთის, ილიასა და  გორის სახელმწიფო უნივერსიტეტები,  სამეცნიერო-კვლევითი ფირმა „გამა“) თავიანთ სასწავლებლებში.

სხვა ლოკაციებისა და სურათების სანახავად “დაწვრილებით”

დაწვრილებით

საზაფხულო სკოლა ნიადაგმცოდნეობაში

15 ივლისს კახა ბენდუქიძის კამპუსში გაიხსნა სეზონური სკოლა “საქართველოს ძირითადი ნიადაგები და ნიადაგმცოდნეობის აქტუალური საკითხები”.

პროექტის მიზანს საქართველოს ძირითადი ნიადაგების განხილვა და თანამედროვე ნიადაგმცოდნეობის აქტუალურ საკითხებთან შეჯერება წარმოადგენს. სეზონურ სკოლაში აგრარული უნივერსიტეტის სტუდენტებთან ერთად საქართველოს სხვადასხვა უმაღლესი სასწავლებლების, როგორიცაა: ბათუმის შოთა რუსთაველის, ქუთაისის აკაკი წერეთლის, თელავის იაკობ გოგებაშვილი სახელობის, ივანე ჯავახიშვილის სახელობის თბილისის სახელმწიფო, ილიას სახელმწიფო და გორის სახელმწიფო სასწავლო უნივერსიტეტების სტუდენტები მონაწილეობდნენ. პროექტის ხელმძღვანელია აკადემიკოსი თენგიზ ურუშაძე.

ლექციები ნიადაგმცოდნეობაში – სეზონური სკოლა

დაწვრილებით

ნიადაგის თანმიმდევრობების ატლასი IV

ნიადაგების გავრცელების ვერტიკალური თანმიმდევრობა თრიალეთის ქედისათვის, საქართველო (გეორგია) (გვ. 75-100)

ილია კუნჭულია, თენგიზ ურუშაძე, თამარ ქვრივიშვილი, გიული წერეთელი, რუსუდან კახაძე

საქართველოს ნიადაგების წითელი წიგნის საჯარო პრეზენტაცია

საქართველოს ნიადაგების წითელ წიგნში ქართულ და ინგლისურ ენებზე განხილულია
ნიადაგების მემორიალურ, იშვიათ და ეტალონურ ჯგუფებში გაერთიანების პრინციპები;
მოცემულია ინფორმაცია ნიადაგწარმომქმნელი ფაქტორების, მორფოლოგიური ნიშნების,
ძირითადი თვისებების მაჩვენებლებისა ნიადაგების წითელი ნუსხის შესახებ. ტექსტუალურ
ნაწილს დართული აქვს ლანდშაფტებისა და ნიადაგების პროფილების ფერადი სურათები,
ანალიზის მონაცემები წარმოდგენილია ცხრილებში.

საქართველოს ნიადაგების წითელი წიგნი განკუთვნილია როგორც სპეციალისტების-
თვის, აგრეთვე მკითხველთა ფართო წრისათვის, რომლებიც დაინტერესებულნი არიან
საქართველოს ნიადაგების მნიშვნელობით, მათი დეგრადაციისა და დაცვის საკითხებით.
წიგნში წარმოდგენილი მასალების გამოყენება შესაძლებელია ნიადაგების დაცვის სამართლებრივი ბაზის სრულყოფის მიზნით.

წიგნის სანახავად დააჭირეთ სურათს: