ავტორის არქივი: soilge

თენგიზ ურუშაძე ნიადაგმცოდნეთა საერთაშორისო საზოგადოების საპატიო წევრი გახდა – 2018 წელი ბრაზილია, რიო-დე-ჟანეირო

2018 წლის 16 აგვისტოს, ბრაზილიაში, ქ. რიო-დე-ჟანეიროში ნიადაგმცოდნეობის 21-ე მსოფლიო კონგრესზე საქართველოს აგრარული უნივერსიტეტის პროფესორი, მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის დირექტორი, აკადემიკოსი თენგიზ (გიზო) ურუშაძე არჩეულ იქნა მსოფლიო ნიადაგმცოდნეობის საერთაშორისო საზოგადოების საპატიო წევრად, რაც უპრეცენდენტო შემთხვევაა საქართველოს ნიადაგმცოდნეობის ისტორიაში. კონგრესს ესწრებოდა მსოფლიოს 145 ქვეყნის 4 234 დელეგატი. საპატიო წევრად არჩევის პატივი 1924 წლიდან დღემდე წილად ხვდა სულ 92 ცნობილ მეცნიერს.

საქართველოს ნიადაგმცოდნეთა საზოგადოება ულოცავს ღვაწლმოსილ მეცნიერს, პედაგოგსა და პატივსაცემ პიროვნებას კიდევ ერთ მსოფლიო აღიარებას, უსურვებს ჯანმრთელობასა და დღეგრძელობას.

დაწვრილებით

ნიადაგმცოდნეობის ოლიმპიადა საქართველოს აგრარულ უნივერსიტეტში

საქართველოს ნიადაგები წარმოადგენენ ქვეყნის განსაკუთრებულ სიმდიდრესდა მათი ცოდნა, არის დაცვის და რაციონალური გამოყენების საფუძველი. მართალია, ნიადაგმცოდნეობა იკითხება მთელ რიგ უმაღლეს სასწავლებლებში, მაგრამ მნიშვნელოვანია მათი სწორედ გამოყენება, რაც ბევრად არის დამოკიდებული ქვეყნის ნიადაგური საფარისა და თვით ნიადაგების ღრმა ცოდნაზე მიუხედავად იმისა, თუ რა მიმართულებით აპირებს ცალკეული სტუდენტი თავისი მომავალი პროფესიის შერჩევას.

დაწვრილებით

საქართველოს ნიადაგების ეროვნული ატლასი

ცნობილია, რომ გეოგრაფიული ატლასი წარმოდგენს გეოგრაფიული რუკების სისტემატიკურ ერთობლიობას, რომელიც გაერთიანებულია საერთო იდეით, ერთიანი გამოსახვით, გაფორმებული და გამოცემულია ალბომის ან წიგნის სახით.  სიტყვის წარმომავლობა უკავშირდება ჰერარდ მერკატორის ატლასს გამოცემულს XVI საუკუნის ბოლოს. მერკატორის  ატლასის სატიტულო ფურცელზე მოთავსებული იყო მითური გიგანტის ატლანტის (ბერძნულად ატლასის) გამოსახულება, რომელსაც მხრებით ეკავა ცისკიდური.  საუკუნეების მანძილზე გამოიცა უამრავი ატლასი, მათ შორის, რამდენიმე ტომისგან შემდგარი.  თანამედროვე გეოგრაფიული ატლასი  მრავლადაა და ამ ამხვრივ არც ნიადაგების ატლასები წარმოდგენენ გამონაკლისს.

საქართველოში ნიადაგების პირველი და ჯერჯერობით ერთადერთი ატლასი გამოიცა ჯერ კიდევ 1984 წელს პროფესორების გ. ტალახაძისა და ი. ანჯაფარიძის რედაქტორობით. ავტორები სამართლიანად აღნიშნავდნენ, რომ ნიადაგების ატლასი არის ის თვალსაჩინო საცნობარო მეცნიერეული დოკუმენტი, რომელსაც შეუძლია სამსახური გაუწიოს როგორც პრაქტიკოსებს, ისე მეცნიერ მუშაკებს საწარმოო და მეცნიერულ მუშაობაში.

საქართველოს ნიადაგების პირველი ატლასი შეიცავდა მოკლე ცნობებს საქართველოს ნიადაგწარმომქმნელი ფაქტორებისა და ნიადაგური საფარის სისტემატიკის საკითხებზე. ატლასის შედგენას საფუძვლად დაედო საქართველოს ნიადაგების რუკა (1 : 400 000 მასშტაბით, 1979). ატლასს თან ერთოდა ნიადაგების ფერადი სურათები (სულ 76).

წინამდებარე ატლასის შედგენას საფუძვლად დაედო საქართველოს ნიადაგების ახალი რუკა (1 : 500 000 მასშტაბით, 1999). რუკის წამყვან ავტორებს 2002 წელს მიენიჭათ საქართველოს მეცნიერებისა და ტექნიკის დარგის სახელმწიფო პრემიის ლაურეატის წოდება.

ატლასში მოცემულია ცნობები (ტექსტი და რუკები) საქართველოს ნიადაგწარმომქმნელი ფაქტორების (რელიეფი, გეოლოგია, კლიმატი, მცენარეულობა) შესახებ. დეტალურად არის განხილული ცალკეული ნიადაგების გენეტიკური თავისებურებანი (ლანდშაფტების, ნიადაგური პროფილების ფოტოსურათებით) და ძირითადი თვისებების გრაფიკული გამოსახვა.

მათი ძირითადი ნაწილი წარმოდგენილია ნიადაგების სამი ძირითადი ნაწილის (ზედა, შუა, ქვედა) ასახვით. ყველა მოტანილ გრაფიკულ მასალას თან ერთვის ორენოვანი (ქართული და ინგლისური) განმარტებითი ტექსტი.

ატლასის შედგენაზე მუშაოიბდნენ არა მარტო ნიადაგმცოდნეები, არამედ ბიოქიმიკოსებიც, რაც, ამ ამხვრივ, პირველ ცდას წარმოადგენს მსოფლიო სამეცნიერო ლიტერატურაში.

ატლასი წარმოადგენს ელექტრონულ ვერსიას და მუდმივად მოხდება მისი განახლება. შეამოწმეთ განახლებული ვერსიებისათვის.

ნიადაგმცოდნეობის III სასკოლო ოლიმპიადა

საქართველოს აგრარული უნივერსიტეტის, მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის, საქართველოს ნიადაგმცოდნეთა საზოგადოებისა და საქართველოს პროფესიონალ ქიმიკოსთა ასოციაციის ინიციატივით, 2018 წლის 27 აპრილს კახა ბენდუქიძის საუნივერსიტეტო კამპუსში ჩატარდა ნიადაგმცოდნეობის მესამე სასკოლო ოლიმპიადა სკოლის მოსწავლეებს შორის.

ოლიმპიადაში მონაწილეობას იღებდნენ დედაქალაქიდან და რეგიონიდან, სულ ჩართული იყო 15 სკოლა და 70-მდე VII-XII კლასის მოსწავლე. შერჩეული იყვნენ მოსწავლეები, რომლებსაც სასწავლო პროგრამით გავლილი ჰქონდათ ნიადაგმცოდნეობის საკითხები. მონაწილეებმა მიიღეს ათი თემა და აქედან დაწერეს შემთხვევითი წესით ამორჩეული სამი საკითხი.

ღონისძიების მიზანს წარმოადგენდა, მოსწავლეთა შორის საბუნებისმეტყველო დისციპლინების (განსაკუთრებით ნიადაგმცოდნეობის) პოპულარიზაცია;  აგრარული დისციპლინებისა და მათი როლის გააზრება; ეკოლოგიასა და უსაფრთხო გარემოზე ზრუნვის აუცილებლობის გათავისება.

მონაწილეებს  აჯილდოებდნენ:

  • საქართველოს აგრარული უნივერსიტეტის პრორექტორი, პროფესორი, მარინა ქარჩავა.
  • ბუნებრივი რესურსებისა და სიცოცხლის შემსწავლელი მეცნიერებების უნივერსიტეტის (ვენა, ავსტრია) პროფესორი, ვინფრიდ ბლუმი.
  • საქართველოს აგრარული უნივერსიტეტის მიხეილ საბაშვილის ნიადაგმცოდნეობის, აგროქიმიისა და მელიორაციის ინსტიტუტის დირექტორი, აკადემიკოსი, თენგიზ ურუშაძე

დაწვრილებით

“ერთადერთ დედამიწას” ვინფრიდ ბლუმი ესტუმრა

აპრილის ბოლოს მეთერთმეტე ლექციაზე ეკო კლუბ “ერთადერთ დედამიწას” ეწვია პროფესორი ვინფირდ ბლუმი, რომელიც არის ვენის ბუნებრივი რესურსებისა და სიცოცხლის შემსწავლელი უნივერსიტეტის (ბოკუ) ემერიტუსი. ვინფრიდ ბლუმი უკვე ათწლეულებია აქტიურად თანამშრომლობს საქართველოს ნიადაგმცოდნეთა საზოგადოების პრზიდენტთან, პროფესორ თენგიზ ურუშაძესთან.

სტუმარმა კლუბის წევრებს გააცნო ნიადაგის როლი ეკოსისტემის სერვისებში, გააცნო ნიადაგების დაცვის აუცილებლობა და მიწების მდგრადი გამოყენების მნიშვნელობა. მოსწავლეებმა სტუმარს დაუსვეს შეკითხვები მრავალი საკითხის გარშემო გარდა ნიადაგებისა.

დაწვრილებით